Në shitje vilë moderne me sipërfaqe prej 200 m², e vendosur në fshatin Makresh i Epërm, Komuna e Novobërdës. Prona shtrihet në një parcelë prej 14 ari, duke ofruar hapësirë të bollshme, privatësi dhe ambient të qetë për banim apo pushim familjar.

Vila është e mobiluar plotësisht dhe e gatshme për banim. Organizimi i brendshëm përfshin një qëndrim ditor të hapur dhe komod, kuzhinë funksionale me tryezari, 3 dhoma gjumi, 2 banjo, bodrum, ballkon dhe një tarracë të përshtatshme për relaksim dhe kalimin e kohës së lirë. Po ashtu, prona disponon edhe garazh për parkim të sigurt të automjeteve.

Objekti është ndërtuar me standarde cilësore dhe posedon infrastrukturë të rregulluar. Qasja në vilë mundësohet përmes dy rrugëve të asfaltuara, gjë që ofron lidhje të lehtë dhe komoditet maksimal gjatë gjithë vitit.

Pozita e favorshme, hapësira e madhe e parcelës dhe organizimi funksional i objektit e bëjnë këtë vilë një mundësi ideale si për banim të përhershëm, ashtu edhe për shtëpi vikendi apo investim afatgjatë.

Për informata shtesë dhe organizim të vizitës, kontaktoni në numrin e telefonit.